Савааш бажын савалдырган
Сарыг хойнуң таагызы,
Сагыш-чүрээм саймаараткан
Сарыг баштыг кижи кызы.
Савааш бажын саналдырган
Сарыг хойнуң таагызы,
Салып-салып, өйүп кээрге,
Сарыг хевис кежеге боор.
Ак-ла дүктү хоюдар дээш,
Ак-ла талдан кылган савааш.
Аар дүктүң таагызын
Арылдыр-ла саваан савааш.
Кезек кижи херилдирген
Хенче хойнуң таагызы.
Кезек када чурттаксай бээр
Хеймер кара уруг эшти.
Тозан хоюм дүгү турда,
Торгу-маңнык тоовас-ла мен.
Доңат, сооктар үезинде
Торгу-маңнык торбаан болбас.
Шээр малды семиртирде,
Шеми бажы — сериин чайлаг.
Арбын малды азыраарда,
Арыг-Бажы — изиг чайлаг.
Алган дөзү:
Тувинские народные песни и обрядовая поэзия. / Сост. д. иск. З.К. Кыргыс. – Кызыл: «Сибирская горница». – С. 73 - 74.