(1925-1990)
Улуг-Хем кожууннуң Кара-Талга 1925 чылдың декабрь 10-да тѳрүттүнген. Бичиизинден тура авазы болгаш даайының аайы-биле чөвүрээ-биле янзы-бүрү ойнаарактарны кылып шенеп чораан. Ол 4 классты дооскаш, амылыралдың агымынче кирген.
(1896-1972)
Улуг-Хем кожуунуң Кѳк-Чыраа сумузунуң Элезин-Бажы деп черге 1896 чылдың июль 15-те тѳрүттүнген. Ооң ачазы кончуг шевер кижи чораан. Бичиизинден тура ачазындан ыяштың чазаар аргаларын болгаш чайгаар бүткен будуктарны ажыглаарын шиңгээдип алган.
(1932-2007)
Эрзин кожууннуң Бай-Даг сумузунга 1932 чылдың май 7-де тѳрүттүнген. Красноярскиниң хөгжүм училищезин дооскан. Даш чонукчуларының аразында Бри¬гад Санчиевич салым-чаяанныгларның бирээзи. Ооң салым-чаяаны хѳй талалыг: хөгжүм, чечен чогаал, чурулга, сиилбиири дээш о.ө.
Барыын-Хемчик кожууннуң Аксы-Барлыкка 1931 чылдың июль 10-да тѳрүттүнген. Көгел Сааяның кады ойнап ѳскен эш-ѳѳрүнүң сактыышкыннарын барымдаалап көөрге, даш-биле каасталга кылыр уран ажылды ол мырыңай бичиизинде-ле эгелээн турган.
(1915-1973)
Бай-Тайганың Кѳп-Сѳѳкке 1915 чылда тѳрүттүнген. Бичии тургаш-ла, чонар-даштан шевер чүүлдер кылырынга ѳѳренип эгелээн.
(1899-1969)
Улуг-Хем кожууннуң Ак-Дуругга 1899 чылдың июль 7-де тѳрүттүнген. Ол Хертек Тойбухаа-биле чергелештир тыва чонар-даш уран чүүлүнүң үндезилекчилериниң бирээзи кылдыр санаттып турар.
