(1899-1969)
Улуг-Хем кожууннуң Ак-Дуругга 1899 чылдың июль 7-де тѳрүттүнген. Ол Хертек Тойбухаа-биле чергелештир тыва чонар-даш уран чүүлүнүң үндезилекчилериниң бирээзи кылдыр санаттып турар.
Бичиизинден тура Черзи Монгушту ус-шевер кырган-ачазы азырап ѳстүрген. Ынчангаш ол 8 харлыындан эгелеп, чөвүрээ-биле ойнаарактарны кылып, аптараларны каастап чораан.
1945 чылдан тура Черзи Монгуш янзы-бүрү делгелелерге киржип эгелээн. Ооң кылган ыяштан болгаш чонар-даштан ажылдары ооң бедик мергежилин бадыткап турар. 1960 чылдан тура ол кара өңнүг чонар-даш-биле (серпентинит) калбаа-биле ажылдап турган. 1962 чылдан тура бирги чонар-даш чазаар бѳлгүмнү кылып, ѳѳреникчилерни анаа мѳѳңнеп, ѳѳредип ажылдап чораан.
Россияның И. Репин аттыг болгаш республиканың Күрүне шаңналдарының лауреады Черзи Монгуштуң ховар дээн уран-шевер ажылдарын Тываның, Москваның, Санкт-Петербургтуң болгаш ѳске-даа хоорайларның музейлеринде кадагалап турар.
Алган дѳзү:
1. Вайнштейн С.И. История народного искусства Тувы. – М., 1974. – С. 172-216.
2. Кенин-Лопсан М.Б. Волшебник: Рассказ о народном камнерезе М.Черзи. – Кызыл, 1976. – С. 84.
3. Оживший камень. Фотоальбом тувинской народной резьбы по камню. – Кызыл, 1969. – С. 78.
4. Хертек А.С. 100 лет со дня рождения. Черзи Монгуш Хола-Салович . А.С. Хертек / Люди и события. Год 1999: Указ.-календарь по Туве на 1999 год / НБ им. А.С. Пушкина Реп. Тыва; сост.: Л.М. Чадамба, Е.М. Ай-кыс. – Кызыл, 1999. – С. 63.
Монгуш Черзи «Аъттыг кижи», 1965. Тыва Республиканың Алдан-Маадыр аттыг Национал музейиниң коллекциязындан.