Тоолчулар

Хүргүл-оол Сазыг-Хунааевич Монгуш 1908 чылдың апрель 15-те Чөөн-Хемчик районнуң (Сүт-Хөл кожууну) Манчүректе Хаялыг-Капсылыг деп черниң Дөң-Кара деп өдекке төрүттүнген.

Ооржак Маңнай Намзыраевич 1892 чылда Сүт-Хөл кожууннуң Манчүрек деп черге төрүттүнген. Бичии Маңнай 4 харлыг турда, ада-иези чок болганнар. Ол 12 харлыындан тура, Бижээчи-Чалаң деп бай кижиге хөлечиктеп, ооң малын кадарып чораан.

Чанчы-Хөө Чапаажыкович Ооржак Барун-Хемчик кожууннуң Аяңгаты суурунга төрүттүнген. Адазы – Чапаажык Сойлукович аңчы кижи чораан, ол 1908 чылда мөчээн. Авазы – Морбуяк 89 харлыында 1951 чылда чок болган, ол болза даараныкчы, ус-шевер.