Дириг амытаннар дугайында

Бодум мунар борбак оюм        
Бо шѳлге челер оюм.          
Оглум мунар ортаа оюм    
Ол-ла шѳлге челер оюм.
Акым мунар ак оюм                  
Ак шѳлге челер оюм.                
Хенним мунар хертеш оюм
Кезек шѳлге челер оюм.

Чиӊге сугнуӊ быйлаӊы
Сиртин чайгап ойнады.
Чиӊге доруг аъдым                        
Бажын чайгап ойнады.
Кара сугнуӊ быйлаӊы
Сиртин чайгап ойнады. .
Кара калдар аъдым                              
Бажын чайгап ойнады.

Улуг хемниӊ быйлаӊы
Сиртин чайгап ойнады.  
Улуг доруг аъдым          
Бажын чайгап ойнады.

Чылгы баштаар чыраа доруум,
Чичии тоннуг агаларым.
Белер баштаар бедик доруум,
Берген тоннуг агаларым.

Аъттар баштаар аксым доруум,
Алгы тоннуг агаларым.
Чаваа баштаар чараш доруг,
Чаргак тоннуг агаларым.