Йөрээлдер

Ажы-төлү арбын болзун!

Эр бооп, эзерлиг аъттан туттунар болзун!

Кыс бооп, ожук-паштан туттунар болзун!

Айым чаазы, хүнүм эртези,

Эрги чылды үдеп тур мен,

Чаа чылды уткуп тур мен.

Айым чаазы,

Хүнүм эртези!

Эрги чылды үдеп тур мен.

Аъды-даа шыырак болзун!

Андазыны кирингир болзун!

Амыр-ла болзун!

Аъш-чемин болдуруп турар

От-бурганны мыйлааңар.

Дээр-биле дөмейлеп кылган

Башкы оглу

Балды ышкаш болзун!

Ортун оглу

Озук ышкаш болзун!

Дыткан дүк дыттынгыр болзун!

Үскен дүк үстүнгүр болзун!

Салган дүк салдынгыр болзун!

Чашкан суу чараштыр дүшсүн!

Дөңге тигер

Өглүг болзун!

Дөшке чалаар

Малдыг болзун!

Дөңге тигер өглүг болзун!

Дөшке чалаар малдыг болзун!

Хая дег эттиг болзун!

Дөңге тигер

Өглүг болзун!

Дөшке чалаар

Малдыг болзун!