(1915-1973)
Бай-Тайганың Кѳп-Сѳѳкке 1915 чылда тѳрүттүнген. Бичии тургаш-ла, чонар-даштан шевер чүүлдер кылырынга ѳѳренип эгелээн.
Чылдар эрткен тудум-на, ооң уран-шевер мергежили бедип келген, чүге дээрге Мижит-Доржу Сегбеевич бодунуң билиин, шилип алган ажылын, мергежилин доктаамал бедидип чораан. Ооң сиилбип кылган «Эзерлиг аът», «Арзылаң» деп ажылдарын бедии-биле үнелеп, Тыва АССР-ниң Чурукчулар эвилелиниң баштайгы даңзызынга киирген. 1971 чылда Москвага парлаан Россияның автономнуг республикаларының чурукчуларының чогаалдарының даңзызынга Мижит-Доржу Хертектиң он бир уран-шевер ажылдары кирген: оларның аразында дендии чараш тыва шыдыраа, «Аъттыг кижи», «Мѳгелер» дээш оон-даа ѳске.
Мижит-Доржу Сегбеевич Хертектиң бүгү чогаадылга ажылдарын бедии-биле үнелеп, Россияның чурулга уран чүү¬лүнүң талазы-биле И. Репин аттыг Күрүне шаңналын 1972 чылда тывыскан.
Алган дѳзү:
1. Вайнштейн С.И. История народного искусства Тувы. – М., 1974. – С. 172-216.
2. Заслуженные люди XX века. Государственная книга Республики Тыва. – Кызыл, 2004. – С. 251.
3. Оживший камень. Фотоальбом тувинской народной резьбы по камню. – Кызыл, 1969. – С. 78.
4. Червонная С. М. Художники Республики Тыва. – СПб, 1995. – С. 155-176.