Ёзулуг иениң төрээн төлүнүң

Чогуур үезинде дүшкен хинин

Сыртык иштинге сагылдап,

Шыгжап берип тур мен.

Моон соңгаар доктааган хинни

Борта хүндүлеп шыгжап чоргар!

Ийис уруглар төрүүр болзун!

Кош-кош кавайлыг болзун!

Илдик чок чоон үннүг,

Көгжүр-көгжүр өөштүг болзун!

Башкы оглу балды ышкаш болзун!

Ортун оглу озук ышкаш болзун!

Хеймер оглу кержек ышкаш болзун!

Салгалы хөй болзун!

Салымы эки болзун! Курай-курай!

Кодан сыңмас малдыг болзун!

Аалынга сыңмас анай-хураганныг болзун!

Өг долдур ажы-төлдүг болзун!

Сагган сүдү көвей болзун!

Чажыг-сүзүү элбек болзун!

Аъш-чеми амданныг болзун!

Кеткен хеви хевингир болзун!

Курай-курай!

Алган дөзү:

Тувинские народные песни и обрядовая поэзия. / Сост. д. иск. З.К. Кыргыс. – Кызыл: «Сибирская горница». – С. 45 - 46.