Өгнүң унунуң — ынааның ужунда

Илбээн өршээңер!

Хараачаның үдүн өршээңер!

Мөгежелиг хараачазын өршээңер!

Бурганның мурнунда

Бүүрээн өршээңер!

Эжик бажының

Унун — ынаазын өршээңер!

Бода малдың

Коңга-дамбыразын өршээңер.

Хой, өшкүнүң

Дүгүн багга өттүргеш,

Эжик бажының унун өршээңер!

Хой-өшкүнүң

Дүгүн багга өттүргеш,

Эжик бажынга

Баглай, дууй соккаш, өршээңер!

Эжик-дөжекти өршээңер!

Эжик-дөжектиң угулзазын

Доңнай баглааш,

Адаа-үстүн өршээңер!

Орун бажында көжегелиг

Салбакты өршээңер.

Дөжектиң дужунда

Арзылаңны өршээңер!

Дөжектиң хозун өршээңер.

Бода малдың багда дүүп каан

Тос чүзүн чүвезиниң

Санын өршээңер!

Хөнек алдын өршээңер,

Кас демдээн өршээңер.

От кыдыында

Демир шаланы өршээңер!

Алган дөзү:

Тувинские народные песни и обрядовая поэзия. / Сост. д. иск. З.К. Кыргыс. – Кызыл: «Сибирская горница». – С. 62 - 63.