Ак пөзүмнү
ϴргүп тур мен,
Артыжымны
Чыдыдып тур мен.
Саңымны салып тур мен,
Далай белчи,
Даңгаар чалгып хайырлаңар.
Бедик таңдым,
Сыксыынга дүжүрүп,
Көскээ хөлертип
ϴршээңер, хайырлаңар.
Шыргай чердээзин
Ажыкка откуруп хайырлаңар.
Бедик чердээзин
Сыксыынга дүжүрүп хайырлаңар.
Бедик дагның белинге
Үндүр чалгып хайырлаңар!
Алган дөзү:
Тувинские народные песни и обрядовая поэзия. / Сост. д. иск. З.К. Кыргыс. – Кызыл: «Сибирская горница». – С. 83.