Сагышты ыры-биле ажыдар,
Чаяанны ажыл-биле ажыдар.
Эки кылган ажыл –
Элеп-читпес алдар.
Довурактан тодар,
Малгаштан байыыр.
Алгының чымчаа идээзинде,
Аъттың чаажы ээзинде.
Ажылдан дескен түрегге дүжер,
Билигден дескен чазыгга дүжер.
Шалыпчыда – крупчат,
Чалгаапайда – куруг аас.
Кежээниң мурнунда – хүндү,
Чалгааның мурнунда – кочу.
Хол шимчээрге хырын тодар.
Дус чокта амдан чок,
Тура чокта күш чок.
Даанганда берге чок,
Дарынганда дадай чок.
Тараалыгда тодуг,
Дагаалыгда сергек.
Даш чок черге тараа тарыыр,
Дазыл чок черден ай казар.
Чаашкынны үнүш күзээр,
Чаглыг эътти кижи күзээр.
Чиир эъттиң чаглыы херек,
Кылыр иштиң деги херек.
Карак шевери хаая,
Хол шевери ховар.
Паш тиккенде, от салыр,
Бала көдүргенде, тараа соктаар.
Холу шимчээр – хырны тодар,
Хоозун чугаа – хүн бадар.
Эргээ өөрениринден
Бергээ өөрен.
Ажыл соонда
Аъш-чем амданныг.
Кул кижи ыглаар чай чок,
Курттуг өшкү оъттаар чай чок.
Өөңге олутпай болбас,
Өөрүңге өжээти болбас.
Өттүнчек өөренир,
Өжеш өөнделевес.
Эки дарган эргээн какпас,
Уран кыс удазынга ораашпас.
Эки эзер аътка чараш,
Эскит чок тиг хепке чараш.
Эртежи кижи
Эзерлиг аътка таваржыр.
Холум-холум кылдыр ажылдаар,
Хырным-хырным кылдыр чиир.
Сааның чок-даа бол, саваң белетке,
Аъдың чок-даа бол, аргамчың белетке.
Аът турда, эзер муң чок,
Бижек турда, хын муң чок.
Кадарчыга даянгыыш херек,
Хаалгага сенчи херек.
Хөмге шивегей херек,
Хөрүкке хөмүр херек.
Дарганга хөрүк херек,
Далганга омааш херек.
Челелиг бызаа арган,
Чевен кижи кижи самдар.