Дын – алдын,
Хүн күзел.
Кижи өлүр,
Алдар өлбес.
Арның бодава,
Адың бода.
Ады өлүрүнүң орнунга
Боду өлзе дээре.
Хырны мурнаан,
Ады соңнаан.
Куш оглу каяа-даа ужар,
Кижи төлү каяа-даа чоруур.
Мурнаанын соңгайгызы эдерер.
Аът өлүр – баглаажы артар,
Ада өлүр – оглу артар.
Ие көрбээнин кызы көөр,
Ада көрбээнин оглу көөр.
Буура кырыыр,
Бодаган өзер.
Кижи өзер,
Кидис шөйлүр.
Баштай үнген кулакты,
Соңгай үнген мыйыс эртер.
Аът болуру кулундан,
Кижи болуру чажындан.
Өлүмде болчаг чок,
Өзүлдеде хемчээл чок.
Арган мал семириир,
Аарыг кижи сегиир.
Өшкен от кывар,
Өлген кижи турбас.
Өрттенген сындан ыяш үнер.
Човаары дүрген,
Чыргаары оожум.
Шаг шаа-биле турбас,
Чавылдак көгү-биле турбас.
Үе кээрге, адыр чок,
Үер кээрге, чай чок.