Өскен мен дээш, хөөреве,
Өнчүлүг мен дээш, көгүве.
Артык тенек адын мактаар,
Болбас тенек бодун мактаар.
Хөй-биле хөлзеве,
Көгээржик-биле калбаңнава.
Бардам баък,
Шалдаң соок.
Улудуруктуң азыы чидиг,
Улуургактың аксы байбаң.
Дурту кыска,
Туразы улуг.
Күштүг мен дээш хөрээң чайба.
Адыыргактың аксы байбаң,
Аскымчының чырыы чарык.
Бодуңну богдага бодава,
Эжиңни эникке бодава.
Баштай ушкан эжин каттырбас.
Сеткилдиң бичези херек,
Эртемниң улуу херек.
Улуургак кижиден
Угулза чок идик дээре.
Боду бодун билинмес,
Борзук калчанын билбес.
Караандан башка шыны чок
Бодундан башка эжи чок.
Чок чүвени бар диве,
Чоржаң аътты маңныг диве.
Чокта чолдайба,
Барда мажайба.