Дамырактар чыылгаш хем болур,
Тарамыктар чыылгаш, күш болур.
Хем келдейбес,
Чон чолдайбас.
Хөй мегелетпес,
Хөлеге туттурбас.
Арга ыяшты хат шимчедир,
Ажылчы чонну шын шимчедир.
Шын сөске чон ынак,
Шык черге үнүш ынак.
Чоннуң көөрү –
Шолбан караа.
Эгейни кетпеске соок болур,
Эргини билбеске сора болур.
Чон оруу чоон.
Даг дег караны
Довук дег ак базар.
Шын күчүлүг.
Өскен чери – төрээн ие,
Өскелерни – соңгу ие.
Куш уялыг,
Кижи чурттуг.
Куш уязынга ынак,
Кулун иезинге ынак.
Чаштанчыдан өрт үнер,
Чаашкындан үер үнер.
Чорук багы – чаа,
Сөс багы – чаргы.
Шогжан бажы хаттыг,
Шош бажы ханныг.
Чаңнык дүшкенде өрт,
Чаа болганда өлүм.