Саасканның караа чаарда,
Чазыйның караа чагда.
Чидиг кескенин билбес,
Чилби чигенин билбес.
Алза-даа алдым дивес,
Чизе-даа чидим дивес.
Чединместе чевен аттыг,
Чеми чокта харам аттыг.
Чалгаадан сөс үнер,
Чазыйдан оор үнер.
Харам кижиниң караа куду.
Хайыракан ижээн дээр,
Харам кижи чок дээр.
Алыры амыр, бээри берге.
Калбак кезек от чуду,
Харам кадай өг чуду.
Кадыг черге мал доктаавас,
Харам кижээ эш доктаавас.
Харам кижиниң караа соок.
Кара сеткил чыда,
Харам сеткил дужак.
Хопчу кадын – сааскан,
Хоптак хаан – каарган.
Бер дээрге, хая көрнүр,
Бериптерге, каттырыптар.
Хырны тотса-даа
Караа тотпас.
Үрени чаңгыс дивес,
Олчаны эвээш дивес.