Олутта олча чок,
Чыдында чыргал чок.
Оттулбаска – хайынмас,
Олурарга – бүтпес.
Ажыл хуваарга арыг кирер,
Ажык хуваарга куруг үнер.
Чадаг кижээ чер ырак,
Чалгаа кижээ чем ырак.
Шапты бижек эътке дыынмас,
Чалгаа кижи ишке дыынмас.
Биче чалгаа
Улуг чалгаага чедирер.
Чашпаа кижиниң сөзү хөй,
Чалгаа кижиниң чылдаа хөй.
Идик бакта – эжик ырак,
Эзер бакта – кодан ырак.
Чалгаа кижиниң өөнде чарган ыяш чок,
Чалгаа кижиниң өөнде аъш-чем чок.
Экиниң чуртунга ыяш чыдар,
Бактың чуртунга баг чыдар.
Чалгаа кижи часка четпес,
Чарык доскаар күске четпес.
Дүне боорга дүктүг сыртык,
Хүндүс боорга оңгар аяк.
Чалгаа кижи бажым дээр,
Чазый кижи суксадым дээр.