Шаанда кыдат хаан-биле Нара-Манчын мөөрейлешкен иргин. Хөй арага ижер бооп дугуржуп алганнар. Хүнде бир тайлуу40 ишти арага ижип шыдаваан кижи аштырганы ол.
Нара-Манчын-даа чүзү боор, бир тайлуу араганы ижип эгелей-ле берип-тир эвеспе оң.
Хаан бодап орарга, хүн ашпастааш туруп берген иргин, а демгизи арагазын ишпишаан орган.
Эртен, кежээ, хүн, дүн деп чүвени хаан чүгле бызаалыг инектен билип ап олуруп-тур: инек туруп кээрге, эртен деп, бызаазынче чанып кээрге, кежээ деп; чыдып алырга, дүне деп; үнүп оъттай бээрге, хүндүс деп.
Оон ам хаан олургаш, улуг шинчээчизин кыйгыртып эккелген. Оозу көрүп олурарга, Нара-Манчын хүннү кызыл удазын-биле өртепкеш, балдырында баглап алган арагалаан олуруп-тур. Шинчээчи оозун бүдүү үзе тыртып каан иргин. Оон бээр-ле дүн хүн-биле, хүн дүн-биле солчуп турар мындыг болган дижир.
