Үгер деп өөр сылдыстар шаанда черге чыткан чүве-дир. Ооң ужурунда чер кыры кончуг соок турган. Бо сылдыстарны черже киир базыптар болза-ла, бо оранга чылыг дүжер боор дээш, инек биле аът:
― Че, мону черже кайывыс киир базып шыдаарыл? —дижип-тирлер.
Аът тургаш:
― Калбак дуюглуг мен-не эки боор мен — дээн.
Инек тура:
― Чо-ок. Адак-бышкаам аар, мен киир базыптайн — дээш, халып барып баскан. Сылдыстар инектиң ийи дуюг аразы-биле дээрже шуужуп үне берип-тир оо.
Үгер дээрден инекти шаңнаан. Шаңнал кылдыр бичии борбак сарыг чаг бадырып берген. Ону инек дуюгларының аразынга суп алган. Оон бээр инектиң дуюгларының аразында сарыг чаг бар апарган.
