Чер өзүп, улгадып турар. Хүн дээрде турда, хүннүң херелинче көрүңер даан — үй-түме довурак-доозун көжүп турар. Ол довурак-доозун черже баткаш, черни улгаттырып турар. Ону канчап билирил ынчаш? Черни каза бээрге, дыка ханыда суг даштары чыдар. Ону кым аңаа хөөп турар деп? Черниң кылыннап турарының херечизи ол-дур.
Оон ыңай, чер борбак, шимчеп турар. Ону мынчалдыр билип алган мен. Авамның авазы билип кээр үезинде, хүн херели дүъште өгнүң ожук кыры-биле эртип турган. Ынчаарга авам боду чүве билип келген үезинде, ол херел шала кыры-биле эртип турган. А ам мен ожаап көөрүмге, хүн херели шаланың соо-биле ажып турар апарган. Чер борбак, шимчеп турарының хараазы-биле хүннүң херелдериниң ыңай-бээр чылып чоруп тура ры ол-дур.
