Буур биле Дажырган ийи маргышкан дээр.
Дажырган тура:
― Чайны узадыр херек, доора-карак39 биле мен чайын үнген чимистен кыжын чиир чемивис белеткеп алыр бис — дээн иргин.
Буур тургаш:
― Чок, чайын ымыраа-сээк көвей, изиг улуг. Чай шуут чок болза эки — деп-тир.
Дажыргандан:
― Кыш узун болза, дорзууңну хар долдур чааптарга, доора-карак сени таптыг доорай-дыр эвеспе — деп, мынчап кыжыраан.
Буур тургаш, дазыл мыйыстарлыг моң бажын бир чайгаш:
― Сен кулугурну чуура базыптар мен — дээш, дап берип чорунда, Дажырганы хорум адаанче кире халаан. Буур ооң чүгле кудуруун үзе базып чыдып каап-тыр. Буур ажынгаш, хорумче көрүп алган турза-турза, думчуу мөрзүе ыжа берген. А Дажырганның кудуруу чок болуп арткан чүве-дир.
Кыс-Халыыр