― Кым мурнай хүннү көрүп каар эвес, ол чылга кирер — деп, шаг шаанда Теве биле Күске ийи мөөрейлешкен-дир.
Теве хүн үнер чүкче көрүп алгаш чыткан, а Күске Тевениң мөгениниң кырынче үне халааш, даг бажынче көрүп алгаш:
― Ол-дур, мен сени мурнай хүннү көрүп кааптым, ам чылга кирер мен — деп сыйтыладыр эдип олуруп-тур.
Шынап-ла, Күске ол хевээр чылга кирген. А Теве хорадаанындан думчуун чире былгырып алган чүве иргин.
Кыс-Халыыр
