Шулбу боо кылып ап-тыр. Бурган башкы ону өттүнүп база боо кылып эгелээн. Шулбунуң боозу дааштыг болган, а бурганның боозу дааш чок бооп-тур.
Бурган башкы ламазын:
— Шулбунуң боозу канчап дааштыг болган-дыр, ону билип эккел — дээш, чоруткан.
Лама шулбуга баргаш:
― Оо! Бурган башкы боо кылып алган, ооң даажынга кижи бажы чарлы бер чазар-дыр — деп-тир.
― Ээ, ол-даа күгүрүн көвүдедипкен-дир — деп, Шулбу мону чугаалаан.
Лама бурганга келгеш:
― Шулбуга баргаш, силерниң боонарның даажындан кижи бажы чарлы бер чазар чүве-дир дээримге, ол-даа күгүрүн көүдедипкен-дир дидир — деп-тир.
Ам чүү боор, бурган башкы күгүр уруп алгаш, боозун адарга, ам-на дааштыг бооп-тур. Боо даажы шак ынчаар тывылган дижир чүве.
