Биеэ шагда Буура белинге бир кажар кижи чурттап чораан чүве-дир. Күскээр кыжын демги эр өгден үнүп көөрге-ле, дүн, хүн-даа чок хар-ла чаап турар мындыг апарган. «Бо-даа болбаан-дыр, улуг чут деп чүвезиниң ам-на келгени бо-дур» деп боданып чыда, дүне када эр-даа тура-ла халаан, оон бал- дызын ала тырткаш, өдекте чыткылаан хамык инээн кыра шапкылап каапта берип-тир.
Эртенинде ол өгнүң херээжен ээзи дашкаар үнер дээрге, эжик ажыттынмас, харын хаалга орту чедир уруп каапкан болган.
Эр кижи үнүп келгеш:
— Хамык инектеривис кырлып каап-тыр, кадай!—деп алгырган.
Хамык инектер хар адаанда дартайжы берген чыткылаан.
Кажар кижиң ол хамык инектериниң эъдин кожа аалдарга чазын молдурга бээр силер дээш, үлеп бергилеп каап-тыр.
Ол кыжын шынап-ла улуг чут болган. Кажар кижи семис инектеринин эъдин чип, арткан каш инээн азырап кыштааш, чазын аалдардан молдурга-бызаа-биле хөй инээниң дуюун тургузуп ап-тыр.
Малдың «дуюун тургузуп» деп чугаа ол үеден бээр тывылган чүве-дир.
