Бир кижи иезин үш чыл чыттыр азырааш, богдага чүктеп чедирип кээп айтырып-тыр:
― Иемнин азыралын чандырган мен бе?
Богда олургаш:
― Иеңниң чаңгыс дүне кавайыңга сени эмзирип хонганын- даа чандырбаан-дыр сен — деп-тир.
Шынап-ла, харын кижи амытан төрээн иезиниң ажык авыралын черле хандырып шыдаваан чүве дээн. Амылыг амытанда чүгле кускун иезиниң азыралын эгидип шыдаан чүве-дир. Кускуннуң оолдары уязынга мандып келгеш, иезиниң дүгүн кызыл чанагаш кылдыр чулгаш, ооң түмен чүү чедишкиже, уядан ужуп үнгүже эът эккеп азыраар чүве-дир. Кускун кара-даа болза төлүнге ынак деп үлегер чугааның утказы ында.
