Бир кижи Моол кирип чорааш, чадаглааш, бир аалга кээп- тир. Өгге кире бээрге, кадай кижи олуруп-тур.
Демги кижи:
― Чер кезип чорааш, чадаглаан Хемчик чурттуг кижи мен ийин — деп-тир.
Кадай олургаш:
― Мен база Хемчик чурттуг кижи мен. Ам мыйгак кулаа .дазыңайнып, шеңне бүрүзү саглаңайнып тур боор. Ол черде Кара-Чода ишти деп черни көрген кижи-дир мен. Чадаглаан чаңгыс черим чуртум кижизи-дир сен, чаваа аъттан ап-тыр сен ийин — дээш, мал мундуруп берген. Оозу кончуг-даа аът болган дээр.
