Меңээ бо төөгүнү Кол Дуганчының уруу, 1921 чылда төрүттүнген, алыс боду черле Тожу чурттуг Анчымаа угбай чугаалап берген чүве.
Чер бүрүзү тускай ээлиг болур. Чер бүрүзүнүң ээзи аңгы-аңгы болгаш тускай-тускай болур.
Таңмалыктың ээзи кедергей онза эзерлиг аъттыг эр кижи дижир. Таңмалыктың ээзи хомудалдыг өглерге кирер, хомудалы чок өглерге кирбес. Таңмалыктың ээзи дүне када хомудалдыг өонге чедип келгеш, аъдын ыяшка баглап кааш, боозун өгге чөлендирип каар дижир.
Таңмалыктың ээзи хомудалдыг өөн дүне када эргип келир.
Алган дөзү:
Кенин-Лопсан М.Б. Кара дээрниң тыныжы. – Дыхание черного неба. – Кызыл: Ю.Ш. Кюнзегеш аттыг Тываның ном үндүрер чери, 2010. – А. 219.