18. Серээ мөгенниг тевелиг болзун,
Сескигир баштыг уруглуг болзун,
Дөрүң бажы шыргай болзун,
Дөжээң ишти сазыг болзун,
Эжииң аксы дожаң болзун!
19. Узун-чаагай чаштыг,
Удаан-чаагай чыргалдыг,
Кей-аъдың киискип,
Кежик-буяның делгереп чорсун!
20. Узун-чаагай чаштыг,
Удаан-чаагай чыргалдыг,
Делгем-чаагай хонаштыг,
Дески-бүрүн чыргалдыг,
Эдээ алгыг, эмии сүттүг,
Өргүп чашканы өреме-сүт болзун,
Өөпейлеп чайгааны оол уруг болзун,
Алгап чашканы арагы, быштак болзун,
Аргадап чайгааны оол уруг болзун,
Чалбарып чашканы аактыг кызыл шай болзун,
Чассыдып чайгааны оол уруг болзун!
Делгем-чаагай хонаштыг,
Дески-бүрүн чыргалдыг,
Оюк долу оолдуг,
Кыйыг долу кыстыг, менди-чаагай болсун!
Делгем-чаагай хонаштыг,
Дески-бүрүн чыргалдыг,
Алгыг-чаагай хонаштыг,
Амыр-менди чыргалдыг,
Айтып четпес чечен бол,
Адып четпес мерген бол,
Черге олурбас шевер бол,
Чер атпас мерген бол!
Хей-аъдың киискип,
Кежик-буяның делгереп,
Хык дээр хыкы чок турсун,
Түк дээр дүкпү чок чорсун!
Буурул баштыг, буржак диштиг,
Узун чаштыг, удаан чыргалдыг,
Менди чаагай чор, уруум!
Муңганыңда дер чок,
Кеткениңде хир чок,
Басканыңда довурак чок,
Амыр-менди чаагай,
Барыын казапчаңнан баатыр оол ыравайын,
Чөөн казапчаңнан чүгүрүк ыравайн чорзун!