Чүгенин тудуп үнерде,
Чүгүрүк-чыраазын хайрлап чорсун!
Аргамчызын тудуп үнерде,
Аргымак-докшунун хайрлап чорсун!
Эзерин тудуп үнерде,
Эмдик-чаагай аргымаан хайрлап чорсун!
Шыйтызын тудуп үнерде,
Сыын-мыйгаа доктаап турзун!
Халээбирин чүктеп үнерде,
Хара-буурул тарбааны,
Тайганың аърга ийик мээзинге
Хайтыгайнып, эдип доктаап турар болсун!
Карбиинин чүктеп үнерде,
Хара-буурул кошкары каңгайып,
Тайгазынга доктаап турар болсун!
Чүскүк тудар уруглуг,
Ок-ча тудар оолдуг,
Онча-бүрүн менди,
Сая четкен тыва улус бооп,
Делегейге ат-нерегерни чарлап чоргар!
Оюк долган оолдуг чоргулагар,
Кыйыг долган кыстыг чоргулагар!
Эдээгер алгыг,
Эмиигер сүттүг,
Чаагай, хей-аъттыг, улуг өлчей-хавыргалыг,
Кажандада менди эки чоргар
