1. Көъп кижи хүрээледи,
Хүрең аъдым чыраалады. (Диш, дыл.)
2. Ак аъдым
балгаш чуурду. (Диш.)
3. а) Аптараа долу
Алдын, мөңгүн. (Сырга.)
б) Аптараа долу
Ак кажык. (Диш.)
4. Ак даштан кажаа туттум,
Шилги аъдымны бош салдым. (Диш, дыл.)
5. Калбак хөлдү долгандыр Гантык1 кажаа тур. (Аас, диш.)
6. Аптараа долу
Ак хураган кежи. (Диш.)
7. Мен көрейим.
Сен чугаала. (Карак, аас.)
8. Агуй иштинде
Алдын дагша. (Карак.)
9. Арык иштинде Ала так. (Эжик.)
10. Базарга базым четпес;
Салырга сын долу. (Карак.)
11. Ала сааскан 1
Хыл кажаалыг. (Карак, кирбик.)
12. Ала чаваа
Хыл ногталыг1. (Карак.)
13. Ала суг
Аъттан чүгүрүк. (Карак.)
14. Ала молдургам
Аргазын-хогун угбас. (Бышкы.)
15. Холбаглыг бызаа Хойт дээр аразында,
Хомду хемни кешкеш келди. (Карак.)
16. Куу тулуп
Сөөк боошкуннуг. (Аас, диш.)
17. Хажыыда чартык өг. (Кулак.)
18. Бээжиннен келген көпежимни
Беш чыл көрүп шыдавадым. (Кулак.)
19. Чалым ортузунда
Чаңгыс шыргай. (Чаш уругнуң чөмбүү2, хылбык чөвээ).
20. Он хоочун
Дош чуктеп чору. (Холдуң он салаалары, дыргактары.)
21. Даг ындында
Тоолай чыдыны бар. (Баштың чускуузы (чушкуузу.)
22. Улуг өг.
Улуг өгнүң иштинде биче өг,
Биче өгнүң иштинде Балчыр оолак. (Идик, ук, бут.)
23. Сүүр-Тей — сүт хөл,
Чан балаг —чаш терек. (Эмиг, ээп чыдар чаш.)
24. Бора кушкаш
Шык эът чип тур. (Чаш уругнуң эмери.)
25. Сүүр даг,
Сүт хөл. (Иениц эмии.)
26. Бир сыыя (сыңый) үстү
Бир кодан аал амзап дооспас. (Чаш уругнуң чөмбүү.)
Тайылбыр: Бир аалга чаш уругну хөй кижи чөвээнден чыттаар боорга, ынча дээр.
27. Хаан дагның кырынга Хар чаарда,
Харыяатыга берге:
Кажан-даа эрибес. (Баш дүгүнүң агарары.)
28. Хангай бажында
Хар чагды,
Казаг эзерниң
Хадаа дурулду. (Кижиниң кырыыры, дижиниң дүжери.)
29. Шугуйда сарыг үс. (Думаа.)
30. Хөндейни куду
Көк бөрү челип олур. (Думаа.)
31. Муң кара хойну
Бир шывыктан сурдум. (Баш дүгүн чүлүүрү.)
32. Суумал бурган,
Гүүмел ширээ. (Аъттыг кижи.)
33. Дыннаарактың даштында Дын сарыг чаваа тур. (Сырга.)
34. Эът кижи демир курлуг. (Салаа, билзек.)
35. Кырны ооргазында,
Ооргазы мурнунда. (Кижиниң чодазы.)
36. Хүндүс өөнге турар,
Дүне үнүп келир. (Бут.)
37. Өспээн ыяштың баарында Төрүвээн кодан оглу,
Үнмээн оътту чип,
Кургаг сугну ижер. (Дүш.)
38. Сыртык кырында
Сырга чок кайгал. (Эргин бажында ынаа.)
39. Кара баштыг маңгыс
Далай сорду. (Кижиниң чемненири.)
40. Бош дагның алдында
Борзук эде берди. (Озурук.)