Эрте шагда чувеӊ иргин. Аӊчы кижи делегей кырындаагы дириг аӊнарны канчап аӊнаар арга-хайлазын бодап какпалаар, дузактаар, аялаар, маспактаар дээш бодунуӊ сактыын арга-хайлазы-биле аӊнап шыдаар бооп-тыр эвеспе. Ынчангыже бир хун аӊчы Дилгижек чораанын кѳргеш, дүгүнүӊ кызылынга олура магадап: «Аа, бо чораан аӊны канчап аӊнап алыр ийик мен аадыр» деп сактый-ла, ооӊ чоруур оруунга какпа каап, ая тыртып, маспак каап дээштиӊ кѳвей арга-хоргазын хереглезде, Дилгижекти олу- руп чадап каап-тыр эвеспе.
Дилгижек аӊчыныӊ какпазын ыяш-даш-биле чазылдырып, аязын чежип кааптар, черле аӊчыныӊ, хайлазын биливиттер боп- тыр. Аадыр, ийи даванныг кокумай мени тудуп ѳлурер деп чадап турар-дыр. Хура мѳѳрей кылзаӊда мени тудуп шыдавас-тыр сен, «ха-ха-ха!» деп каткыргылап шоодуп олурар мындыг иргин.
Аӊчы бо хоранныг дилгижекти каичаар тудар деп угаан бодап олургуже, аӊчыныӊ ѳлурген аӊыныӊ хан-чинин ижип, сѳѳк-даяан хемдип тын азыранып чоруур ала сааскан ужуп бар чоруй-ла: «Ой аӊчы, бодал боп олурбайын, какпаӊны сек кыдыынга довуракка хѳѳп каг»—деп-тир эвеспе.
Аӊчы: «Бо чулчураа чуу дидир аадыр, шын-на довурак алдынга хѳмер-дыр деп сактып, сек кыдыынга какпазын хѳѳп кааш, ѳѳнге чана берип-тир.
Дилгижек хуннээрек чуӊгекке бажы мелерээже удуп-удуп алгаш, хырны аштаанын билип, челип шиншинип кел чорза, кокумай чиген мал сегинге таваржып: «Мында кандыг-даа чуве бар болза мен аӊчыга алыспас чыртагыр болгай мен. Ийи караам согур эвес»—деп бодап, секти ыраагынан бир долгангаш сежиктиг чүве чок боорга, сектен хемирп баштап-тыр. Ол уеде ала- сааскан ужуп кээп, какпа кырынга хонгаш: «Кортукбай, кортукбай, чуну чип-тыр сен? Меннен ойлатчып ойнаар шыдалыӊ бар бе, чок бе? Шкы, шшкы!» деп, чулчургулап, какпаныӊ чаагын эдерти хаайын шалыгылап маӊнагылаарда, дилгижек тургаш: «Ой чулчураа, алдыӊда какпа бар. Хыл мойнуӊну узе кызып алыр, билип-тыр сен бе? — деп айтырарга, ала-сааскан какпаныӊ дову- раан соктагылап: «Бо кордуӊ бе, какпа чок, кортукбай. Сээӊ че- чен-мерген угаанныг мен дээриӊ кайдал. Шааӊ четкен мелегей болган-дыр сен. Какпа чок, меге дизеӊ, бодуӊ бир холуннан базып кѳр!»—деп, халып-дужуп ,чулчургылаарда, дилгижек хыйланып какпаныӊ ортузунга база бергиже, какпа частый барып-тыр!
Дилгижек холу аарыырынга шыдавайын алгыргаш, ужуп чыткан ала-саасканныӊ кудуруунан аптарга, сааскан ыӊай чүткүп, кудуруу шѳйүлгүже чүткээш, ышкындыра барып-тыр. Сааскан дескиндир ужуп: «Кокумайныӊ холунга кирбес мен дээниӊ кай¬дал!»— деп аксын сурап тургаш ужуп, аӊчыныӊ ѳѳнуӊ хараачазынан харап кѳруп: «Аӊчы, аӊчы, какпаӊга дилгижекти дүжүрүп кагдым»—дээрде, аӊчы ѳѳруп савылынга каап алгаш, чип орган үзүн ѳру чажарда, саасканныӊ ооргазыныӊ кырынга барып быдалы берип-тир.
Ол шагнан бээр ала-сааскан деп ат алган чувеӊ, иргин. Дилги шѳйе тырткан кудуруу чиӊге узун боп калган дидир. Дилгижекти ол шагнан бээр аӊнаар болган иргин.
Ала-сааскан ѳг даштынга кээп чулчурарда, ѳлчейлиг сѳс айтып-тыр деп, ону хүндүлээр болган ужуру ындыг дидир.
бо тоолчургу чугааны Д. Конгор (1914 ч. т. 79 харлыг шанагаш сѳѳктуг, Харангыты чурттуг) 1991 чылдыӊ күзүн сактып бижээн.
