Тарбаанны болса, кижи деп аайтыр. ‘Эргээм-эргээм бо дээлдигеннен бооп калган’ деп. Дээлдигеннен мөөрейлешкеш, дээлдиген ийилээн, дээлдигенниң кудуруун чире адып каан. Онуун бо Эрегей-Мерген улуг эргээн бо саадак баанан эргээн ызыргаш одура ызыргаш окьапкан, тарбаан онуун дөрт эргектиг болуп калган. Эргээн одура ызыргаш, онуун чер алдынга келгеш:
Мерген оолдуң дергиниң күнезини,
Багай оолдуң карааның ыды болайн –
деп мынчап айыткаш, тарбаан болгаш кире берген ындыг дидир.
Ол мерген тарбаан болуп хууларда мынчап аайткан дидир:
Дөрбүгүр эрним дергиге катсын,
Шагжагар сөөгүм сайга катсын. Шынында ол мерген кижи турган.
