Эрте бурун шагда Көкдей Мерген хөвен ак адын мунуп көкшүл ак ок чазын азынып кезер базар ийи ыдын эдертип алгаш аннап чоруп тур. Ынчап чоргуже үш сарадаан эдерткен үш мыйгак көргеш ойладып чоргуже олар дээрге үнгеш сылдыс болган чүвен иргин. Ынчангаш дээрде чидиг үш сылдысты үш мыйгак, оон адаанда үш биче бүлүргей сылдысты үш сарадак деп адаар болгаш чүвен иргин. База дээрнин шолбаны деп сылдыс бар. Ону бурун үш мыйгакты ойладып чорааш дээрге үнүп сылдыс болган Көкдей мерген-даа дижиир, ак аттыг анчы-даа деп бурун адап турган болдур ийин.
Вариант Б
Үш майгакты аксак анчы деп кижи ойладып чоргуже дээрже үжа берген. Оон артындан бир адыпкан. Оон аткан огу барыын талазындан даа көстүүр, чөөн талазындан даа көстүүр. Үш мыйгак үш сылдыс бооп аксак анчы огун ап шыдавайын ам-даа улчуп тенип чоруур дивейинкпе.
Г. Золбаяар чыып бижээн
