Чер-делегей, кижи-амытан бүткен дугайында чугаада үш халап болган соонда бүткен дээр. Эң баштайгызы болурда, дош халап, суг халап, унуун өрт халап болгаш чер-делегей кырында дош-суг эрип, суг каккаш, чер эрииш, ыяш, даш өскен, унуун курт-кымыскыяк, кижи амытан бүткен дээр.
Чер-делегей эң бай чүве ол турган. Кижи-амытанны азырап-тежээр ужурлуг чаяаттынган. Олар сабтыктыг турар. Ыяш-дажын кайы хамаанчок кеспес, аң-меңин кайы хамаанчок атпас. Ылаңгыя хара сугну бужартадып болбас. Чер-делегейинге, көк дээринге чажыын чажып, чалбарылгазын кылгаш дилеп алыр. ‘Алдай дээдизивис’ деп хүндүлеп аайтыр бис. Ооң ээ-сабтыын күндүлеп чоруур болса, кижиге, чуртталгазынга эки болур.
‘Дээдис’ деп үстүвүсте турар көк дээривисти аайтыр. Ону “көк дээр” деп аайтып болбас. Бодунуң чаяанын, ха-дуңмазын дээдиске дааткап турар. Өлүм-чидим, човулаң таваржыырда, Дээдис мени көрбээн деп комудаан, карганган үеде аайтыптар. Үш оран турар. Үстүвүсте Дээдисте оран бар. Бистиң бо амыдырап турар оранны ортаа оран дээр. Бистиң адаавыста эрлик ораны бар. Аңгаа бис өлген соонда, баар оран болур.
