Кандыг-даа кижи көөрде, көрүп туруп калыр ындыг чаагай кижи. Чеже муң кижи кулаштап чоруурда, дээ кижиниң кулаанан ыш үнүп турар. Унуун ам кандыг-даа бедик сүмеден кирерде одагалыг бөргү таазызынга ойнап дээп турар. Ындыг чаагай дурт-сынныг кижи.
Бистиң бо Сеңгил тывазында сүме-киит турбаан. Чаагай-Чакпан Далай-хааннан сүме-киит сурап алыр дээш баарда, ийи муң лама ном уншуп турарда, кире бээрде, ол кижиниң чаагайынга ном уншуур кижи тывылбайн барган. Унуун кыдаттың бир улуг шинчээчизинге бо кижини көрген кижи чүге мынчап ыыды чидип калыр ирги деп көргүзерде, ээ Хурмустунуң дүжү бо кижи турган иргин деп аайтып тур. Хурмусту үжен чыл удуур иргин. Үжен чыл удуурда, дүжээн дүжү дээ кижи бооп, ол кижи төрүп кээп, бо черге чоруур иргин. Ол Чаагай-Чакпан үженниинде өлген иргин. Дем Хурмусту оттуп келирге, демги кижи чок болган иргин. Чаагай-Чакпан деп ындыг кижи чораан.
