Эрлиг төрээн Эр-Чүвүрек деп бир кижи турган. Чаагай-Чакпанның кыдыынга чораан хаазы кижи. Бо шагнан бодаарда, бир сөстен хамгаалаар кижи. Ол Эр-Чүвүрек болурга, Чаагай-Чакпанныӊ хаазы, кыдаттар тудуп алыр дээш ийи кижи келирде, демги ийи кижини: ‘Че, ам Чаагай-Чакпанның өөнге апарайын’ - дээш, хажыызында көлдүң кыдыынан чоргаш, демги ийи кыдатты кыспактааш, көл куду халый барып тур. Ынчангаш ийи кыдатты суг ортузунга салыпкаш, боду эштип кеже барып тур. Чаагай-Чакпанны ынчаар хамгаалап туруп тур. Ол кижиниң шарили ам бо Даянның көлү турбаан бе, көлдүң суу бээр кирген черде үш улуг бедик көжээ көк даш бар. Онуун алдында дээр. Ында кагган болгаш Даян көл болган. Ону билбейн, казактарың ам чивези белен болган Даян - Көл деп турар, ол меге.
