Эртээ бурун бир шагда, бир кыжын чут болурда, бир бай аал көжүп тур оо. Эрги хонажынга арган Буга-Буруу, Кужа-Хураан, Деге-Анай үш калып тур. Олар эрги чутка аштап, өлүр чазып тургаш, яас бооп көкке тодуп адей семирип ап тур оо. Бир күн оларга бир Кокумай келгеш:
- Чаа ам силерни чиир мен – деп-тур.
Деге-Анай ыяш кырынга үнүп тур. Буга-Буруу Кужа-Хураан ийи алдынга ыяшка халбактанып тур оо. Буруу:
- Мээң холум шылап калды, холум салдынды – дээрге, Хураан тургаш:
- Мыйызыңны кокумай куду шыгаап тургаш, аңдарлы бер дээрге, мыйызын шыгаап тургаш кокумайның кырынга аңдарлы бээрге, шиш мыйызы поттуп, Бөр өлүп калып-тур оо.
Унуун олар союп алгаш, кежин алгаш чоруп каап тур. Бир өдекке баргаш, күкпээниң эжиинге илип кааш, кире баарга, Кокумайның чеди оглу найрлеп олуруп-тур оо.
Унуун Буга-Буруу, Кужа-Хураан, Деге-Анай үш дөрүнге олуруп-тур. Эжик кыдыында олурар Кокумайның оглу довшуур тудуп алган олурар.
- Довшууруң берем – деп сурап алгаш, көгжүмнеп ойнаар иргин. ‘Далай хаанга дакы кылыр, даштыы хүрээзинге шазын кылаакай’ деп ырлаарга:
- Бо чүден чиктиг чүве болур, мен сидиктеп келийн – дээш, бир-бирнен үнүп ойлай берип тур.
Чаштын хара кеш турар, чыттап көөрге, иезиниң кежи болур. Эн сонгу бөрү үнүп дезерде Буга-Буруу, Деге-анай, Кужа-хураан үш үнүп артындан кортпактап ойладып тур
Оон Буга-буруу баштап бар чыткаш бичий дошту ажа халыыр дээш тайып ушкаш чаваан чарып ап тур. Оон бөрүлернин артындан:
- Чүвүрүвүстүң баа үстүп калды. Оон башка кулугурларны силерни канчаптар ийик бис – деп алгыршып-тур.
Буга-Буруу, Кужа-Хураан, Деге-Анай угаанныг болгаш чидиртпейн, күзүн чаагай семирип ап турарга, ээзи көжүп кээп тур. Эптиг-найралдыг болгаш тиилеп ап тур. Ээзи оларны дагын мал кылып ап, амыр чаагай чыргап-тур оо.
