Оол:
Хара бууралыг тевени
Кадарар дээниң канчалды?
Хара көлдүң эриинге
Харгыжар дээниң канчалды?
Канчалды, канчалды, канчалды?
Кыс:
Хара бууралыг тевем
Хатка дүшкеш саададым,
Харааты хемниң иштинге
Соок болгаш барбадым.
Барбадым, барбадым, барбадым.
Оол:
Ак бууралыг тевени
Кадарар дээниң канчалды?
Ак-Кемниң эриинге
Харгыжар дээниң канчалды?
Канчалды, канчалды, канчалды?
Кыс:
Ак бууралыг тевем
Балгашка дүшкеш саададым,
Ак-Кемниң иштинге
Соок болгаш барбадым.
Барбадым, барбадым, барбадым.
Оол:
Күрең бууралыг тевени
Кадарар дээниң канчалды?
Хүрээ хемниң эриинге
Харгыжар дээниң канчалды?
Канчалды, канчалды, канчалды?
Кыс:
Күрең бууралыг тевем
Көлге баргаш саададым,
Хүрээ ховунуң иштинге
Соок болгаш барбадым.
Барбадым, барбадым, барбадым.