Оюн билбес оолдарны
Ортуут-билен каккан болсам,
Ортуут-билен каккаштың-на,
Оюн-сөзүн дыңнаан болса.
Сөс билбес уругларны
Сөөскен-билен каккан болсам,
Сөөскен-билен каккаштың-на,
Сөзүн база дыңнаан болсам.
Ыр билбес уругларны
Ыяш-билен каккан болсам,
Ыяш-билен каккаштың-на,
Ырын база дыңнаан болсам.
Тоол билбес оолдарны
Тал-билен каккан болсам,
Тал-билен каккаштың-на,
Тоолун база дыңнаан болсам.
(Уруглар-оолдар каттыжып ырлаар).
Чалыы назын оолдары
Чайның күннүң чечээ ышкаш,
Чалыы назынныг бистер-ле
Ойнап каткыржып чоруукай.