Оол: Уруг-биле, сээң-биле
Ужуражыр күзелим бар.
Орай кежээ чеде бергеш,
Амыр мендиң айтырар мен.
Кыс: Аалым-чуртум ырак эвес,
Айда-чылда четпес эвес.
Амыр биле мендивисти
Ам-даа болза айтыржыылы.
Оол: Дуңмаларым сураан дыңнааш,
Дужун төөгүп чедип келдим.
Девип турар борам мунгаш,
Девиржидип чедип келдим.
Оолдуң кожаңы:
Келдегейниң черинге
Келириңге чок-даа болза,
Кенең хара уруглары
Келиримге өөнде турза.
Дожаң тала Доңгайжыын
Доңгаярымга чок-даа болза,
Доңгулак хара уруглары
Келиримге өөнде орза.
Кыстың кожаңы:
Муңгаш хара ыяшка
Сактыгаш-даа канчаар бис.
Муңгак хара оолдарга
Барыксааш-даа канчаар бис.
Ээтпек хара ыяшка
Сактыгаш-даа канчаар бис.
Эзирик хара оолдарга
Барыксааш-даа канчаар бис!