Мѳӊгүлейти диккен бѳдейниӊ
Мѳӊгүн курун куржаалы.
Бѳгүн диккен арагазын
Мѳӊгүн дашкалап сѳӊнээли.
Алгыг диккен бѳдейниӊ,
Алдын курун куржаалы.
Амданныг диккен арагазын
Алдын дагшкалап сѳӊнээли.
Кожарлай диккен бѳдейниӊ
Кожалаӊ, курун куржаалы.
Кадыг диккен арагазын
Кудаларга сѳӊнээли.
Таартып диккен бѳдейниӊ,
Талазынан шанчып дигээли.
Доӊнап диккен арагазын
Таартып сѳӊиеп тудаалы.
Улуг диккен бѳдейниӊ
Унузун шанчып дигээли.
Уруун берген кудаларны
Ужа каап хүндүлээли.
Дегет диккен бѳдейниӊ
Дээвирин каап дигээли.
Демнеп диккен арагазын
Дескиндир сѳӊнеп найралаалы.