Төжүнен аржаан каккан,
Төлгүн улуг тайгам бар.
Дөртен кижинен бараан кылган,
Төрел улуг бээм бар.
Дөртен актаның иштинге,
Аксымын бербээн мээң борам.
Дөрт кожуун Тывазының,
Адаанын бербээн мээң бээм.
Белдиринен аржаан каккан,
Белдир улуг тайгам бар.
Бежен кижинен бараан кылган,
Бедик чечен бээм бар.
Бежен актаның иштинге,
Аксымын бербээн мээң борам.
Беш кожуун Тывазының,
Адаанын бербээн мээң бээм.
Адырынан аржаан каккан,
Алгыг улуг тайгам бар.
Алдан кижинен бараан кылган,
Аттыг чечен бээм бар.
Алдан актаның иштинге,
Аксымын бербээн мээң борам.
Алды кожуун Тывазының,
Адаанын бербээн мээң бээм.
Чарыынан аржаан каккан,
Чеңгир улуг тайгам бар.
Чеден кижинен бараан кылган,
Чечен улуг бээм бар.
Чеден актаның иштинге,
Аксымын бербээн мээң борам.
Чеди кожуун Тывазының,
Адаанын бербээн мээң бээм.