Бээр көрген бедиим,
Хая көрген хадырым,
Калбааңга тайыспа,
Доңгулааңга бүдүртпе,
Бай-Алдайым!
Хорум кептиг,
Хоргулжун баштыг,
Ак-Кем, Бай-Алдайым!
Өршээп, хайрлагар,
Аарыг-аржыктан адыргар!
Аарыг-човулаңнан адыр,
Алдын-сарыг аршааным!
Силерни дилеп, манап келдим.
Мындыг аарыглыг болдум.
Аарыымны адырыгар,
Човулаңымны чаптылдырыгар!
Алдын-сарыг аршааным!
Үш чыл улай силерге кээп четтирер мен,
Үш чыл дарый силерге кээп кирер мен!