Шаг шаанда ол черниң улустарын кадагааты34 дээрбечи шериглер келгеш, үптеп туруп берген. Бир чатчы35 кижи улу сөөгү ушта казыптарга, Бай-Тайга кырынга кара булут диргелип келгеш, даш долу чаггаш, ол дээрбечилерни чылча шаап каапкан. Ол черге кижи сөөгү хорумналган, ынчангаш Хемчиктиң солагай талазында Тээлиниң адаа дужунда кезек шатты Көп-Сөөк дижи берген.
Улу сөөгү деп чүве бертикке аажок эм боор деп ол черниң кырганнары чугаалажыр. Чамдыкта Тура-Хемге көктүг чайын безин чода ортузу чедир харны уруптар. Ынчап барганда «Чадараан, чүү кижи улу сөөгү казыптары ол чоор» деп Бай-Тайганың чамдык кырганнары ам-даа хыйланырлар.
Кыс-Халыыр
