Шаанда Амбын черинден Баалай деп кижини кел диртип, ийи дүжүмет чоруткан чүве-дир.
Агартык деп сынның өвүрүнде Узун-Буттуг деп черде улуг куйнуң дужунга чоруп олура, ашак-даа дүже халааш, куйже кире берип-тир. Амбынның ийи дүжүмеди ону дилеп эгелээн: бирээзи куй аксынга кедеп туруп калган, эжи чырыткы кылып алгаш, куй иштинче кирип каан. Дүжүмет ол-ла ханылап кирип бар чоруурга, черже кирген чада бажы көстүп чыдып-тыр. Дүжүмет оон корткаш, дедир үнүп кээп, эжин эдерткеш, дедир-ле тутсуп каап-тыр.
Сөөлүнде Баалай амбынга боду чеде берип-тир.
Амбын олура:
― Кыйгыртырымга, куй иштинче чүге кире бээриң ол?— деп айтырган.
Баалай олура:
― Yүлем барааш17 үңгүрже кирип, аргам ядарааш18 агыйже19 кирип турдум ийин — деп-тир.
Ынча дээрге амбын олура:
― Өчүүң өөделиг чүве-дир сеп — дээш, ону салып чорудупкан дээр.
Кыс-Халыыр
