Докпак биле Дакпак деп ийи кайгал оолдар аразында маргыжа берген. «Ноянны оорлааш, тааладыр мен» — деп, Дакпаа даанган.
― Ноян сеңээ оорлаткаш, чүге таалаар чүвел, ажынар- дарынар, торгаар-шаажылаар-ла ыйнаан —деп, Докпаа дозар болган.
Дакпак Көкен-Ноянның чүгүрүк Кара-Сарыын оорлапкан. Ноян ону билип кааш, Дакпакты келдирткен.
Ноянны эжи канчаар тааладыптар эвес,.ону көөр дээш, Докпак база чеде берген.
― Мээң Кара-Сарыымны чүге оорладың, Дакпак?—деп, ноян оон айтырган.
Карангының хайы дээш, хайыраатымның Кара-Сарыын танывадым, дүнекиниң хайы дээш, дүжүмедим Кара-Сарыын билбедим — деп, ол харыылаан.
Көкен-Ноян чырыын чырташ кылгаш:
― Кандыг аът-тыр ынчаш, оол?— деп айтырган.
― Эртен-эртен челип кээрге,
Эзеримниң коңгазы сыгырып кээр-дир.
Кежээ-кежээ челип кээрге,
Кежегемниң каш хылы
Хендирбемге дегбес-тир,
хайыраатым — деп, Дакпак харыылаарга, ноян чаза-ла саарын часкап каттыргаш:
— Ча, моон соңгаар мени оорлавайн чор — дээш, ону салып чорудупкан-дыр.
Кыс-Халыыр
