Шаанда Хас-оол деп эрниң эрези кайгал эр чораан. Бир-ле катап Демичи деп дүжүметке хорадааш, ооң аъдын тудуп мунупкаш халдып турган. Демичи ону дыңнааш, кыйгыртып-тыр.
Хас-оол тургаш:
― Алды араалыг боолуг, алды доңга арагалыг бараалгаай мен аан — диртип-тир.
Демичи дүжүмет олургаш:
― Аъдым чүге оорладың?—деп байысаап-тыр.
Хас-оол тургаш:
— Хаанның Кара-Сарыы деп билбээн мен,
Караңгының хайы ийикпе,
Кара боттуң бачыды ийикпе,
Дээргиниң Дезиг-Сарыы деп-даа билбээн мен
Тенээм хайы ийикпе, муңгаам хайы ийикпе,
Караңгының хайы-биле
Калчаа чавааны сыдымнаплаткан мен.
Орай-орай челип келиримге,
Орайымның каш хылы
Ооргамга дегбейн турган,
Кежээ-кежээ челип кээримге,
Кежегемниң каш хылы
Хендирбемге дегбейн турган.
Кончуг-ла кулун чораан —деп өчүп тур
Кыс-Халыыр
