1988 чылдың июль 11-де Сүт-Хөл кожуунга төрүттүнген. Тываның хүндүткелдиг болгаш хөй чедиишкинниг мөгези. «Тыва Республиканың Чаан Мөгези», Россия болгаш Делегей чергелиг сумо хүрештиң тиилекчизи база шаңналдыг черлерниң эдилекчизи.
Баштайгы тренер башкызы «Тываның Арзылаң мөгези» Моңгуш Амир Өлзей-оол-оглу.
Хостуг-хүрешке башкызы – Түлүш Владимир Хуурак-оглу.
Сумо хүреш башкылары: Куулар Каң-оол-оглу Каң-Демир, Куулар Начын-оглу Адар.
Узуну: 1м. 85 см.
Деңзизи: 112 кил.
Өг-бүле байдалы: өг - бүлелиг, чаңгыс оолдуг.
Хостуг үеде сонуургалы : хол-бөмбүү (волейбол), аът чарыжы.
Ынак спортсмени: Йокодзуна Асашери (сумо).
Ынак чеми: бууза.
Эртеми: Моолдуң «Олимп» аттыг дээди өөредилге черин дооскан.
Күзели: «Күчүтен мөге» деп атка чедир хүрежир сорулгалыг.
Чаан мөгениң чедиишкиннери:
7 харлыында хүрежип эгелээн, июнь 1 - де уруглар хүнүнде 128 бичии мөге салган ам болза “Тываның начын мөгези» Моңгуш Начынны ынчан октааш, шүүлген.
2009 ч. Наадымга шүүлгеш «Тываның Арзылаң мөгези» деп атты чаалап алган.
Сумо хүрешке Россияның аныяктар аразынга 2 дакпыр тиилекчизи, 3 катап шаңналдыг черже кирген.
Сумо хүрешке Европа диптиң аныяктар аразынга тиилекчизи.
Сумо хүрешке Россияның чемпионадынга шаңналдыг черже кирген.
Сумо хүрешке Европа диптиң чемпионадынга шаңналче киир хүрешкен.
Моолга Говь-Сүмбер аймак, 18 харга чедир 242 мөгелер аразынга долгандырыг хүрешке 8-ки черни алган. Хүреш 3 хонук улаштыр болган.
Моолга дээди өөредилге черинге 256 мөгелер аразынга хүрешке 4-че киир хүрешкен. Өөренип турган бөлүүнге шүглүп турган.
2008 ч. Тывада бир дугаар «Каа-Хемден чер» деп шаңналдың эдилекчизи.
2009 ч. Чеди-Хөл кожууннуң Ак-Тал суурунга хүрешке Тываның Күчүтен мөгези Аяс Моңгушту октааш, шаңнал кылдыр даштыкы «Тойота» маркалыг автомашинаны алган.
«Алдан-Маадырларның тура халыышкынындан бээр 125 чыл оюнга» тураскааткан хүрешке шүүлген.
Тываның Наадым-2014 хүрежинге үжүүрлешкен. Түлүш Сайын-Белек ынчан шүүлген.
- Хостуг-хүрешке «Россияның спорт мастери».
- Сумо хүрешке «Россияның спорт мастери» (Сумо хүрешке «Делегей чергелиг спорт мастерин күүсеткен» шынзыдылгазын манап турар).
- Тыва хурештиң "Чаан мөгези".
Алган дөзү:
- Бөлгүм «Төрээн черим» / https://vk.com/toreencherim (кирген хүнү: 07.08. 2018 ч.)
- Тыва Республиканың Чазааның албан-ёзулуг порталы http://gov.tuva.ru/press_center/tyva_news/4252/ (кирген хүнү: 19.09.2018 ч.)
- Аныяктар болгаш спорт яамызы http://molsporttuva.ru/ (кирген хүнү: 26.09.2018 ч.)