1967 чылда Өвүр кожууннуң Дус-Даг сумузунга төрүттүнген. Тыва Республиканың 1995 болгаш 1998 чылдарда болган Наадымнарынга үжүүрлешкен, 1997 чылда үшкү черни ээлээн. 1995 чылда Чадаанага болган долгандырыг хүрешке бирги черни алган. Хөй санныг улуг маргылдааларга шүүп, щаңналдыг черлерни ээлеп чораан. Өвүр кожууннуң хөй дапкыр чемпиону. Дидим, көрүштүг хүрежи-биле чоннуң ынакшылын, хүндүткелин чаалап алган мөгелерниң бирээзи. Тыва республиканың Арзылаң мөгези.
«Арзылаң мөге» деп атка чоокта чаа четкен.
Алган дөзү:
1. «Тываның алдарлыг мөгелери» (Знаменитые борцы Тывы) / С.Ы. Ооржак. – Кызыл: Тываның ном үндүрер чери, 2005.