Ол 1968 чылдың сентябрь 19-та Чөөн-Хемчик кожууннуң Хорум-Даг сумузунга төрүттүнген — улуг хүндүткелдиг Тыва хүрештиң Арзылаң Мөгези. Хостуг хүрешке ССРЭ-ниң спорт мастери. Өөнүң ишти Моңгуш (Саая) Саида Мандаковна.Ажы-төлү:оглу Күдерек, кызы Долума.
Тыва хүрешке 1987 чылдың тиилекчизи. 1991 чылдың Республика спартакиадазының тулган чемпиону, 1993 чылдың «Алдан-маадырларның тура халыышкынының 110 чыл оюнга» тураскааткан хүрештиң, май 9-та 1993, 2000 чылдарда эрткен хүрештерниң тиилекчизи. 1992 чылдың «Азия төвүнүң шаңналы» дээш хүрешке Моолдуң Авырга мөгези Баянмунх Хорлогийнни октааш, шүүлген. Наадым хүрештеринге болгаш өске-даа улуг хүрештерге хөй катап шаңналдыг черлерни ээлээн.
Эвээш санныг үндезин чурттакчыларлыг чурттар аразынга Европа чемпионадының хүлер медалының эдилекчизи. Сумо хүрешке Россия чемпионадының мөңгүн медалының эдилекчизи.
Дурту: 182 см
Деңзизи: 117 кг
Идииниң хемчээли: 44
Күзели: Хүреш школазын ажыдары.
Ынак спортчузу: Александр Карелин.
Ынак оюну: Хол бөмбүү, бут бөмбүү.
Ынак чеми: Тыва чемнер.
Дооскан школазы: 1986 чылда Теве-Хая ортумак школазы.
Эртеми: Дээди, Тываның агроуниверситедин дооскан.
- «Арзылаң мөге Маадыр Моңгуш: Мөге турбаан болзумза, лама болур турган мен». / Спортчу сеткүүл «Хүреш». №2. Сентябрь 2010.
- «Тываның алдарлыг мөгелери» (Знаменитые борцы Тывы). С.Ы. Ооржак - Кызыл: 2005 ч. - Ар.67.