Сат Владимир оглу Опан

Сат Владимир оглу Опан

Тыва спортчу, хостуг хүрешке Россияның алдарлыг спорт мастери, Европаның үш дакпыр чемпиону.

Опан Владимирович Сат 1987 чылдың июнь 13-те Тыва АССР-ниң Чөөн-Хемчик кожууннуң Чадаана хоорайынга төрүттүнген. Бичиизинден тура хүрешке сундулуг турган. Ооң баштайгы тренери — Владимир Хууракович Түлүш турган. Ол тренери ам-даа спортчу маргылдааларга белеткевишаан хевээр. Оон аңгыда, Красноярскының тренери И.А. Матиев база белеткеп турар. О. Сат маргылдааларга Красноярск край болгаш Тыва дээш киржип турар. 2009 чылда ТКУ-нуң күш-культура болгаш спорт факультедин дооскан.

Чедиишкиннери:

  • Россия чемпионадынга 4 дакпыр мөңгүн медальга төлептиг болган — (2009, 2010, 2011, 2012).
  • 3 дакпыр Европа чемпиону — (2010, 2011, 2013).
  • Рамазан Кадыровтуң Кубогу дээш чемпионатка хүлер медальдың эдилекчизи — 2010.
  • Делегей Кубогунуң эдилекчизи — 2010.
  • Иван Ярыгинниң Кубогу дээш Гран-приниң 2 дакпыр эдилекчизи — 2011, 2013.
  • 3 дакпыр Европаның элээдилер аразынга чемпионаттарынга шүүлген — 2005, 2006, 2007.
  • Делегей чергелиг турнирлерге тиилекчи — Хасавюртка, Якутскыга (2 дакпыр), Польшага (2 дакпыр), Красноярскыга, Лондонга.
  • Европа нацияларының Кубогунуң эдилекчизи.
  • ФИЛА деп континентилер аразының кубогунуң эдилекчизи.

 

Алган дөзү:

  1. Россияның спортчу хүрештиң федерациязы. Сат Опан Владимирович / http://www.wrestrus.ru/users/173 (көрген хүнү: 15.10.2018)
  2.  Доктаал ««Россияның алдарлыг  спорт мастери» деп атты тыпсыры»/ http //Приказ "О присвоении почетного спортивного звания «Заслуженный мастер спорта России» № 11-нг от 20 июня 2012 г. (көрген хүнү: 15.10.2018 ч.)